Tuesday, June 25, 2013

ಹೀಗೊಂದು ಕಲ್ಯಾಣ

ದೂರದೂರಿನ ಕಲ್ಯಾಣಮಂಟಪದಲ್ಲಿಂದು
ನನ್ನ ಪ್ರೀತಿಯ ಜೀವಕೆ ಕಲ್ಯಾಣವಂತೆ
ವರನಾರೊ ನಾನರಿಯೆ
ವರನಾಗುವ ಅದ್ರುಷ್ಠ ನನಗಿಲ್ಲ

ಸಖಿಯರೆಲ್ಲೆ ಶ್ರಂಗರಿಸುತಿರುವರಂತೆ ಅವಳ
ನಾನರಿಯನೆ ಅವಳ ಚಲುವ...?
ಅವಳ ಹಸ್ತದಿ ಗಾಢ ಮದರಂಗಿಯಂತೆ
ಅದರ ಅಡಿ ಹುದಗಿ ಹೋಗಿರಬಹುದೆ ನನ್ನ ಹೆಸರು...?

ಅವಳ ಕಣ್ಣಂಚಲ್ಲಿ ಸಣ್ಣ ನೀರ ಬಿಂದುಗಳಂತೆ
ಅಲ್ಲಿರುವರಿಗೆ ಅದು ಆನಂದ ಭಾಷ್ಪವಂತೆ
ನನಗ್ಯಾಕೊ ಅನುಮಾನ
ಆನಂದ ಭಾಷ್ಪವೊ...? ನನ್ನ ಅಗಲಿಕೆಯ ನೋವೊ...?

ಸಂಜೆಯಷ್ಟಕೆ ಕಲ್ಯಾಣಮಂಟಪ ಖಾಲಿ ಖಾಲಿಯಂತೆ
ವರನ ಜೋತೆ ಕಾರಿನಲ್ಲಿ ಇವಳ ಪ್ರಯಾಣವಂತೆ
ನಾಳೆ ಅದೆ ಕಲ್ಯಾಣಮಂಟಪದಲ್ಲಿ ಇನ್ನೊಂದು ಮದುವೆಯಂತೆ
ಮತ್ತೆ ಅದ್ಯಾರ ಕಣ್ಣಲ್ಲಿ ನೀರೊ...?  ಆನಂದ ಭಾಷ್ಪವೊ...?

2 comments:

  1. ಕಲ್ಯಾಣ ಮಂಟಪಕ್ಕೆಲ್ಲಿ ಭಾವನೆ ಗೆಳೆಯ? ಈವತ್ತು ಇವರು ನಾಳೆ ಅವರು. ಅದಕ್ಕೆ ತುಂಬಾ ಬೇಕು ಹೊಟ್ಟೆ!
    ಕಳೆದುಕೊಂಡ ಆಕೆಯ ಬಗ್ಗೆ ತುಂಬಾ ತೀವ್ರವಾಗಿದೆ ಕಾವ್ಯದಲ್ಲಿ ಅಳಲು.
    http://badari-poems.blogspot.in/

    ReplyDelete
  2. novina amurtha roopada kavana chennaagide....

    ReplyDelete

ತೋಚಿದ್ದು-ಗೀಚಿದ್ದು

ಇವತ್ತು ಮತ್ತೆ ಆಕಾಶದಲ್ಲಿ ನಕ್ಷತ್ರಗಳು ಸ್ಪಷ್ಟವಾಗಿ ಕಾಣಿಸುತ್ತಿವೆ, ಯಾಕೋ ಮೋಡಗಳಿಗೆ ನಮ್ಮೂರಿನ ದಾರಿ ಮರೆತಹಾಗಿದೆ, ಈ ವರ್ಷವೂ ಮುಂಗಾರು ಕೈ ಕೊಡುವ ಲಕ್ಷಣಗಳೂ ಕಾ...